LEGAZPI CITY-Nagtetenir na warang power supply an Purok 7 kan Brgy. Bogña Legazpi City makalihis an panrarapado kan Bagyong Uwan.
Segun ki Brgy. Kagawad Michael Miña sa intrevista kan Bombo Radyo Legazpi, na nagkaigwa na nin suplay kan kuryente sa saindang barangay afuera sa Purok 7 kun sain nagkapirang poste an nadanyaran.
Wara man suboot nin danyos sa mga light materiasl asin darakulang pagrugaring siring man an warang nairehistrong nabawian nin buhay.
Dugang pa kan opisyal na huli ini ta nakapaghanda man sinda sa bagyo.
Nakapag-barewas man sinda nin mga relef goods asin naitao sa mga residentes kan nasabing barangay.
Sa presente an nakabalik na man sa normal an sitwasyon sa saindang barangay asin pighahalat na sana an iba pang proseso kan lokal na gobierno para makumpleto an budget sa calamity fund.
