Inomaw ni Presidente Bongbong Marcos Jr. an emergency response teams kan bagyong Uwan.
Sinabi kan presidente na an preemptive evacuation an dakulang parte para sa kaligtasan kan mga tawo.
Ipigsugo man kaini an manlaen-laeng ahensya kan gobierno na ipagpadagos an pagbarewas kan tabang sa mga naapektaran kan bagyo.
Pigpapa-asigurar man kaini ki Public Works Secretary Vince Dizon an tulos na pagsasaayos sa mga naraot na kalsada nganing dae maapektaran an mga pag-agi kan mga tabang.
Siring man na ipigsugo niya sa Department of Social Welfare and Development (DSWD) na idagos an pagbarewas nin tabang sa mga naapektuhang residente asin sinugo si Health Secretary Ted Herbosa na siertohong igwang bastanteng medical teams na naka-antabay sa gabos nin mga evacuation centers.
