LEGAZPI CITY-Padifisilan an komunikasyon sa ngonian sa Barangay Bañadero Daraga Albay huli sa panrarapado ni Bagyong Uwan.
Segun kay Barangay Kagawad Ronnel Agripa sa intrevista kan Bombo Radyo Legazpi na ‘down’ pa an mga mga cell site asin wara pang maayos na komunikasyon sa saindang lugar.
Dugang pa kan opisyal na sa wara pa sindang suplay kuryente kun sain naggamit muna an saindang barangay nin solar power asin nag-oofresir man sinda nin mga charging stations.
Wara pa man suboot sinda nin suplay kan tubig alagad nagagamit man suboot an mga poso sa mga kaharongan.
Basado sa saindang inisyal na datos an igwa suboot sinda nin inside evacuation kun sain igwang 164 family evacuees asin sa outside evacution naman an igwang nasa 146 evacuees.
Liwat sa nakapagdecamp na sinda, nagkapira suboot sa mga digdi an nagtetenir muna sa saindang relocation site.
Dagdag pa kan opisyal na minimal man sana an nagin danyos sa mga kaharongan sa saindang barangay asin igwa man nin mga naireport na mga nadanyaran na mga fish ponds.
Sa presente an wara pang naireport na severe na damages asin naghahalat pa sinda para sa iba pang detalyes.
