LEGAZPI CITY-Posibleng mag-abot suboot sa Super Typhoon an Severe Tropical Storm “Uwan enkaso magrani na sa Bicol Region susog sa pahayag kan State Weather Bureau.
Segun kay Catanduanes weather specialist Jun Pantino sa intrevista kan Bombo Radyo Legazpi, na laoman an makukusog na paguuran na dara kan Bagyong Uwan.
Dugang pa kan opisyal na enkaso magtama ini sa Bicol Region an posibleng mag-abot ini sa Super Typhoon asin pinakaharani kaining matatamaan an provincia kan Catanduanes asin Camarines Sur sa rayong haros 990 kilometer.
Dagdag pa kan state weather bureau na posible man ining mag-abot sa Signal No. 5.
Dara kan nasabing bagyo an makukusog na paguuran kun kaya pinagiingat an mga lugar na pirmihang pig-babaha.
Sa hiwas kan nasabing raot nin panahon an dai suboot dapat makakampante huli sa mamatian ini hasta sa pagabot kan bagyo.
Abiso kan opisyal sa gabos na bako ini basta sanang bagyo, kaya importante an mailigtas an mga sadiri asin an mga pagrugaring.
