Nangenot an Pilipinas sa 2025 World Risk Index bilang pinakalantad na nacion pag-abot sa baha hale sa 193 nacion.
Ini an base sa report kan Forest Foundation Philippines sa pagdangog kan House Committees on Sustainable Development Goals asin Climate Change kan Martes, Nobiyembre 4.
Segun ki Alaya de Leon kan Forest Foundation Philippines, an nasyon permihang nasa top 3 huli sa mahiwas na mga isla asin halangkaw na exposure sa mga extreme weather events.
Alagad, ngonian na taon, an report nakasentro sa pagbaha, asin nagluwas na an peligro nin baha nagkakaiba-iba sa lambang rehiyon, depende sa geography, imprastraktura, asin urban planning kan lambang lugar.
Katakod kaini, nangapudan si De Leon nin nature-based asin sustainable solutions laban sa climate change imbes na darakulang proyekto arog kan dam o sea walls.
Segun ki Rep. Jose Manuel Alba, kulang pa an imprastraktura nganing masolusyunan an epekto kan climate change asin dapat i-promote an environmentally friendly solutions.
Sinabi ni Rep. Aniela Tolentino na an nature-based solutions an makakatabang sa kapalibutan, makakatao nin kabuhayan sa mga komunidad, asin masuporta sa sustainable development goals.
Sinabi kan mambabatas na prayoridad kan komite iyo an pagpasar kan low carbon economy bill, mantang an DENR naggigibo nin executive order para sa mga polisiya sa implementasyon kan nature-based solutions.
