LEGAZPI CITY – Suportado kan grupo nin mga paraooma an ginibong lakdang kan Department of Budget and Management (DBM) na pag-alokar asin pagpapaluwas nin pondong maabot sa P1.665 billion para sa rice seed program.
Segun ki Federation of Free Farmers Chairman Leonardo Montemayor sa intrevista kan Bombo Radyo Legazpi na napapanahon an ginibong lakdang kan DBM nganing magamit na an pondo asin mai-distrebwer na sa mga kwalipikadong paraooma sa lalong madaling panahon.
Parte man suboot an programa sa rice competitive response fund na pigtawan nin bisa kan taong 2019 sa irarom kan rice terrification law.
Kabale man sa mabebenipisyuhan kan nasabing pondo iyo an mga kwalipikadong rice farmers, growers’ cooperatives asin associations mantang supisyente na ini sagkod sa magsapit an dry season.
Pigtaram pa kan opisyal na dapat marikas an pagbabarewas kan mga district offices kan DA para sa mga paraooma urog nang pira sa mga reklamong nareresibi ninda iyo an pagka-octaba kan pagreresibi ninda nin mga binhi kun kaya nagkakaigwa nin delay sa saindang pagtanom.
Punto niya na mantang dae pa nagsasapit an dry season asin mantang igwa pa nin mga pag-uuran asin moisture an mga dagang pig-oomahan an dapat maresibi na an mga binhi alagad dapat syertuhon man suboot na magayon an klase an itatao sa mga paraooma nganing dae man ini masayang.
Pagdoon niya pa na kadakol na mga paraooma an nangangaipuhan kaini partikulamente na sa mga lugar na rinapado ni Bagyong Tino nganing liwat sindang makapagtanom tulos.
Nagmamawot si Montemayor na tawan tulos nin ayuda an mga paraoomang naapektaran kan mga raot nin panahon nganing makapagtanom tulos sinda asin dae magkaigwa nin kakulangan nin supply kan bagas sa nacion.
's move to allocate and release funds amounting to P1.665 billion for the rice seed program.){kind=link}