LEGAZPI CITY-Naisyuhan na nin ‘subpoena’ an mga indibidwal na imbuelto sa limang flood control projects anomaly cases sa Bulacan.
Kinumpirma ini DOJ Spokesperson Atty. Polo Martinez, kun sain saiyang sinabi na ipinadara na kan nakaaging semana an mga subpoena sa mga respondents na ipigrereklamo.
Dugang pa niya na piglalaoman asin nakatakdang poonan an preliminary investigation sa ika-10 kan Nobyembre 2025.
Magigirumduman na ibinalik kan Office of the Ombudsman an 5 flood control na kaso sa Department of Justice ngani pangenotan an pagsasagibo nin preliminary investigation.
Ipigheras man ni Prosecutor General Richard Anthony Fadullon na kaiba sa respondents an nagkapirang dating opisyal kan Department of Public Works and Highways, kaiba na sinda dating DPWH Engineer Henry Alcantara, Brice Hernandez, Jaypee Mendoza asin iba pa.
Kairiba man suboot sa mga kinakahampang nindang mga reklamo an malversation of public funds, falsification by public officers, perjury, asin pagbayolar sa anti-graft and corrupt practices act kan nacion.
