Pigkumpirmar ni Senator Kiko Pangilinan na ngunyan na maabot na Nobyembre dadangugon na kan Senate Electoral Tribunal (SET) an quo warranto petition na pigsunad kontra ki Senator Erwin Tulfo.
Si Senator Pangilinan an saro sa mga miyembro kan Senate Electoral Tribunal .
Nagpahayag man nin kahandaan si Sen. Erwin na hampangon an quo warranto petition na pigsunad kontra sa saiya kan disbarred lawyer na si Berteni Cataluna Causing.
Segun sa senador, apat na beses na ining nagfile nin disqualification case kontra saiya sa Commission on Elections (COMELEC) huli sa citizenship issue alagad gabos an nabasura.
Pigpurbaran man kaining pugulan an saiyang proklamasyon alagad na-dismiss an panlimang disqualification na pigsunad ni Causing kontra sa saiya.
Sa ika-pitong beses, liwat ining nagsunad nin disqualification case alagad pig-abisuhan si Causing na sa Senate Electoral Tribunal na ini dapat magsunad.
Enkaso man na mabasura an presenteng quo warranto petition kontra sa saiya, piglalaoman na ni Sen. Erwin na sa malamang magsakat na si Causing sa Korte Suprema.
 will hear the quo warranto petition filed against Senator Erwin Tulfo.){kind=link}