Pinahimutikan kan Armed Forces of the Philippines (AFP) an suboot salang interpretasyon kan pahayag ni AFP Chief of Staff General Romeo Brawner Jr. katakod kan temporaryong pagdeploy kan Typhon missile system kan Estados Unidos sa nasyon.
Ini an makalihis akusaran ni Davao Rep. Paolo “Pulong” Duterte si Brawner na suboot naghahambog sa kakayanan kan nasabing missile system na kaya kaining maabot an China, asin inakusaran pa ining nagsusugal sa buhay kan mga Pilipino kapalit kan pakikipag-alyansa sa Amerika.
Sa pahayag kan AFP, nilinaw kaini si Gen. Brawner an nagtao sana nin teknikal na impormasyon asin ipinaliwanag na an presensiya kan missile system an para sa training asin capability-building bilang parte kan AFP modernization program.
Mahigot man na pignigaran kan AFP na ini an nagpapabor sa banyagang interes, asin ipigdoon na gabos kan inisyatibong pangdepensa asin pakikipag-koordinar an alinsunod sa independent foreign policy kan Pilipinas.
Nangapudan man an AFP sa mga opisyales asin opinion leaders na magin maingat sa saindang mga pahayag nganing dae magpalakop nin salang impormasyon o kawaran nin tiwala sa militar.
Pagdoon kan AFP, mantinido ining tapat sa mandato na pagseserbi sa Pilipino, asin pagprotekta sa Pilipinas.
 has denied the alleged misinterpretation of the statement by AFP Chief of Staff General Romeo Brawner Jr. in conjunction with the temporary deployment of the US Typhon missile system in the country.){kind=link}