Nagkaigwa nin matinding banggaan sa plenaryo kan Kamara makalihis akusaran ni Batangas Rep. Leandro Leviste an nagkapirang mga haralangkaw na opisyal kan bilyon-bilyong pisong vote-buying asin labing paggastos sa kampanya kan 2025 elections.
Maduon man na pinahimutikan ni Quezon Rep. David Suarez an pagkaka imbwelto kan saiyang provincia sa nasabing isyu.
Inagyat pa ni Suarez si Leviste na magpahiling suboot nin mga dokumento o sworn statements bilang ebidensiya.
Mientras tanto, tinuyaw man ni Deputy Speaker Janette Garin an privilege speech ni Leviste, na inapod kaining “hearsay” asin warang bastanteng basehan asin nagsunad pa nin mosyon na burahon sa opisyal na record an mga pahayag.
Sa hudyan, nanindugan si Leviste sa saiyang mga alegasyonn basado sa suboot ‘research asin estimates,’ alagad malinaw na kadaklan sa mga pag-iriba kaini an posibleng magkasararo na ipabura an saiyang mga pahayag sa opisyal na tala.
