Sinaksihan ni US President Donald Trump an pagpirma kan kasunduang pangkatuninongan sa pagultangan kan Thailand asin Cambodia pag-abot niya sa Malaysia kasubagong udto.
Nagpa-abot man si Trump kan saiyang pakikidumamay sa pagkagadan kan Reyna kan Thailand, si Queen Sirikit, ina kan presenteng hari na si King Vajiralongkorn.
Huli sa pagkagadan kan Reyna Ina, ipinagpalihis ni Thai Prime Minister Anutin Charnvirakul an saiyang pag-atendir sa ASEAN Summit, alagad pigsyerto na maatendir pa man siya sa pirmahan kan peace deal kabale sinda Trump asin an Prime Minister kan Malaysia.
An kasunduan an may obhetong tuldukan an haloy nang tensyon sa pagultangan kan Thailand asin Cambodia, na nagresulta sa labi 40 nagadan asin 300,000 na nag-ebakwar kan Hulyo.
Segun sa mga report, si Trump mismo an nagbusol kan tigil-putukan sa duwang nacion makalihis an limang aldaw kan bakbakan.
