Na-freeze na kan Anti-Money Laundering Council (AMLC) an kabilugang P5.2 bilyong kantidad kan assets kan mga indibidwal asin mga kompaniya na suboot imbwelto sa maanomaliyang flood control projects.
Segun kay AMLC Executive Director Matthew David, padagos man nindang pighahalat pa an submission kan iba pang bank accounts asin presyo kan iba pang properties na na-freeze sa bisa kan anom na freeze orders hale sa Court of Appeals.
Sa ibong kan dae na ibinunyag kan AMLC official an mga pangaran kan mga indibidwal o kompaniya na sakop kan freeze orders, sinabi niyang kabale digdi an pirang dating opsiyal kan Department of Public Works and Highways (DPWH), mga kontraktor asin saindang mga kasabwat sa korapsiyon sa flood control projects.
Sa presente, na-freeze na kan AMLC an kabilugang 1,671 bank accounts, 58 insurance policies, 163 motor vehicles, 99 real properties, asin 12 e-wallet accounts.
Ginibo kan opisyal an pahayag kasabay kan pagpirma kan sarong memorandum of agreement (MOA) sa pagultangan kan AMLC asin DPWH ngonian na Huwebes, Oktubre 23.
Obheto kan MOA na ma-institutionalize an pagheheras kan impormasyon asin kolaborasyon sa pagultangan kan duwang ahensiya sa pag-imbestiga asin pag-aksyon sa money laundering asin katakod na financial crimes.
 has frozen a total of P5.2 billion worth of assets of individuals and companies allegedly involved in anomalous flood control projects.){kind=link}