LEGAZPI CITY- Aminado an sarong Political Science Professor na dakol na Pilipino an madaling makalingaw sa mga isyu na pigkakagampang sa nacion.
Segun ki University of Sto. Tomas Manila Department of Political Science Professor Paul Micah Francisco sa intrevista kan Bombo Radyo Legazpi na tuyong igwang darakulang isyu, mahilig makisabay an mga namamanwaan alagad padiit-diit man saang nawawara sa paglihis kan panahon.
Ini suboot an dae dapat mangyari sa nagpapadagos na imbestigasyon sa anomalya sa flood control projects sa nacion.
Tinawan duon ni Francisco na dapat na padagos na mangapudan an mga namamanwaan nin accountability sa gobierno.
Ini an sa paagi kan pag-pressure sa gobierno na papanimbagon an mga imbwelto sa korapsyon.
Marurumduman na sa presente, nagpapadagos an imbestigasyon kan Independent Commission for Infrastructure dapit sa mga posibleng mapanimbag sa nasabing anomalya.
