Nagresibe nin sarong porsiyentong kickback gikan sa mga maanomalyang flood control project an nasulo na edificio kan Department of Public Works and Highways (DPWH) sa Quezon City kan Miyerkoles.
Ini an sinabi ni Independent Commission for Infrastructure (ICI) Chairperson asin former Justice Andres Reyes Jr., makalihis haputon ni Senate President Vicente Sotto III sa hearing kan Senado sa propwestong pagtatag kan Independent People’s Commission (IPC).
Sinabi man ni DPWH Assistant Secretary Melody Villar na an nasulo na edificio an regional office kan DPWH-region 4B, kun saen piggibo an testing kan mga materyales siring kan semento asin bakal.
Basado suboot sa nagin testimonya kan testigong si dating DPWH-Bulacan Assistant District Engineer Brice Hernandez, igwang sarong porsyento na voucher na ipigtatao sa nasabing testing office kan DPWH sa Quezon City.
Naenot nang nabulgar sa Senado na sa Region 4B, partikularmente sa provincia kan Mindoro, an talamak na mga ghost asin substandard na flood control projects.
