Nangapudan an darakulang mga business organizations ki Presidente Ferdinand Marcos Jr. na gumibo nin marikas na aksyon sa nangyayaring korapsyon sa nacion.
Sa ipinaluwas na resolusyon kan grupo na kumpwesto kan Makati Business Club, Philippine Chamber of Commerce and Industry asin Employers’ Confederation of the Philippines sinabi kaini na importante na maresolberan kan presidente an pigkokunsiderar kaining historikal asin mahewasan na korapsyon sa flood control asin infrastructure projects.
Segun sa grupo na an talamak na korapsyon an mas malala pa sa pagkalugi asin an pagkawara kan kumpiyansa kan publiko an magkakawsa nin kariribukan.
Nakalaag sa resolusyon na dapat tawan nin poder an Independent Commission on Infrastructure (ICI) na magsagibo nin imbestigasyon asin magrayo sa impluwensya kan siisay man na politiko.
Nangapudan pa an mga negosyante na dapat na makasuhan an gabos na mga responsable maski anuman an posisyon sa gobierno asin magpaotob nin pagbabago sa institusyon ngani na dae na mautro an mga pang-aabuso asin ipahiling sa publiko an audit findings ngani na masierto an kredibilidad.
