LEGAZPI CITY-All set na an mga paratukdo asin mga estudyante kan Bicol University para sa pig-aantisiparang mga aktibidades sa BU Olympics 2025.
Segun ki BU-Institute of Physical Education, Sports & Recreation Director Dr. Carina L. Sales, sa intrevista kan Bombo Radyo Legazpi, na preparado an an gabos antes an nasabing selebrasyon.
Iimbitaran man suboot an mga alkalde kan kada satellite campuses ngani na magtao nin suporta sa nasabing mga aktibidades.
Tampok man suboot sa mga pighaharalat na aktibidad an opening parade asin an BU Hataw kun sain ini an pigaabangan kan gabos.
Alagad sinabi kan opisyal na warang mga pa-fireworks ngonian na taon huli sa ipig-designar an pondo para digdi para sa mga nasalanta kan bagyo sa Cebu asin sa Masbate.
Laoman man na magigin successful an aktibidades asin sa maabot na sabado an pig-iimbitaran an gabos na makisumaro sa mga dugang pang aktibidad siring kan fun run asin zumba para sa komunidad.
Nakabantay man suboot an mga manlain-lain na otoridad asin katakod na ahensya para sa seguridad sa unibersidad.
