Ipighayag ni Atty. Richard Anthony Fadullon, prosecutor general kan National Prosecution Service na afuera sa mag-agom na Discaya an ‘selective’ man suboot an pirang mga testigong nagrarani sa Department of Justice.
Nagtutubod si Prosecutor General Fadullon na pira sa mga ini an dae pa pigtataram an saindang bilog na naaaraman mapadapit sa flood control projects anomaly.
Kun saen suboot an ibang testigo an igwang mga pigpipili sa kun siisay asin anu-anong mga pangaran sana an saindang idadawit na imbwelto sa isyu kan korapsyon.
Segun kay Atty. Fadullon, an tawag digdi iyo an selective memory o selective amnesia huli ta an pira sa mga ini an nakakalingaw bigla kapag hinapot na nin sisay asin gurano mapadapit sa saindang mga naaaraman.
Susog kaini, ipighayag ni Prosecutor General Richard Anthony Fadullon na dai sinda tulos matubod sa ano man na ‘mga testimonya’ na ipapaabot sa sainda kan mga testigo na nag-atubang.
Maagi pa suboot ini sa mga ebalwasyon nganing maaraman an mga detalye asin impormasyon enkaso mag-abante an kaso asin magpadagos sa korte.
Ini sa ibong kan pag-tuga kan opisyal na ‘lost’ an gabos, urog na pag-abot sa aspeto kan mga testigo na magsabi kan gabos, na permihang pigsasambit.
Huli kaini paki-olay ni Atty. Fadullon sa mga testigo na sabihon asin ilantad na sa kagawaran an lahat na saindang mga naaaraman mapadapit sa flood control projects anomaly.
Alagad kun dae, hahagadon niya suboot na magsilensyo na sana sinda huli ta dae ini magiging credible, urog na kun pigpipili sana nindang maghulog o mag-dawit nin mga pangaran.
