Nangapudan si Navotas Representative Toby Tiangco sa Department of Foreign Affairs (DFA) na tulos kanselaron ang pasaporte ni Zaldy Co, nganing sapiritang magbalik sa nacion asin hampangon an mga kasong may kinaaraman sa suboot salang paggamit nin bilyones na pondo kan banwaan para sa mga kaduda-dudang proyekto sa flood control.
Ginibo ni Tiangco an pangapudan kasunod kan pagpapaluwas nin subpoena kan Independent Commission for Infrastructure (ICI) ki Co nganing hampangon sa hearing katakod kan mga flood control projects sa Oktubre 14.
Tinawan-duon pa nya na kaipuhang maghiro tulos an DFA nganing dae magamit ni Co an panahon na mag-apply nin citizenship sa ibang nacion na warang extradition treaty sa Pilipinas.
Kun magpaligoy-ligoy an DFA asin makakakua nin pasaporte si Co sa nacion na warang extradition, hinapot man ni Tiangco kun sisay an maninimbag.
Sinabi pa ni Tiangco na suportado man ni dating Ombudsman Conchita Carpio-Morales an pangapudang kanselaron an pasaporte ni Co.
