LEGAZPI CITY-Nai-designar si Senator Erwin Tulfo bilang acting chairman kan Senate Blue Ribbon Committee, basado sa kumpirmasyon ni Senate President Vicente “Tito” Sotto III ngonian na aldaw.
Kasunod ini kan imbestigasyon asin palitan nin liderato kun sain sinabi ni Sotto na aprubado sa mga senador an pagkakadesignar kay Tulfo na temporamenteng nagseserbi bilang panel vice chairman makalihis butasan ni Senator Panfilo “Ping” Lacson an nasabing posisyon.
Piglinaw man ni Sotto na warang man nin ibang kaso sa desisyon an plenaryo huli sa basado ini sa regulasyon kan komite kun sain pigtutugutan na magin acting leader an vice chair.
Dugang pa ni Sotto na magkakaigwa pa nin miting an majority bloc ngani mapagolayan kun sisay an matukaw sa Senate Blue Ribbon Committee alagad sa presente an si Tulfo muna an magigin acting chair kan nasabing komite.
Sinabi man ni Sotto na ipigkokonsidera man sa posisyon sinda Senator JV Ejercito, Senator Raffy Tulfo, Senator Pia Cayetano, Senator Francis “Kiko” Pangilinan, asin Senator Risa Hontiveros, na suboot nag-decline sa nasabing posisyon huli sa gabat kan trabaho.
