Hinatulang guilty kan International Criminal Court (ICC) si Ali Muhammad Ali Abd-Al-Rahman, o mas bisto bilang Ali Kushayb sa 27 kaso nin war crimes asin crimes against humanity.
Ini an katakod kan mahewasan na kadagasan sa Darfur, Sudan puon Agosto 2003 hasta Abril 2004.
Si Kushayb an dating halangkaw na opisyal kan Janjaweed, sarong armadong grupo na pigsusuportaran kan gobierno kan Sudan na bistong imbwelto sa brutal na kampanya kontra sa mga rebeldeng grupo sa Darfur.
An giyera an nagpuon kan 2003 kan mag-alsa an mga grupong etnikong African kontra sa Arab-dominated na gobierno sa Khartoum.
Segun sa ICC na si Kushayb an dae sana nagsugo nin pag-atake kundi personal na nagpartisipar sa mga paggadan, paglulugos asin torture.
Kaibanan sa mga krimen na ipigsunad an murder, rape, torture, persecution, asin forcible transfer of population.
Saro ini sa enot na hatol kan ICC katakod kan Darfur conflict asin enot na conviction para sa gender-based persecution sa historya kan korte.
