Ipigsuhestyon ni Senator Alan Peter Cayetano an posibilidad nin snap elections para sa Presidente, Bise Presidente, mga senador asin mga kongresista sa tahaw kan suboot nawawarang tiwala kan namamanwaan sa gobierno nasyunal.
Sa sarong pahayag sinabi ni Cayetano na mantang may mga tunay na tagasuporta an pulitiko ipigkokonsiderar man giraray sindang mga suspek.
Pagdoon niya an tunay na pagbabago an nagpupuon sa radikal na katapatan asin sa isog na ituga kun nuarin dapat magbutas sa pwesto.
An suhestyon an nagluwas kasabay kan mga imbestigasyon sa suboot katiwalian sa flood control projects, kun saen sinabi ni Presidente Ferdinand Marcos Jr. na 20% kan ng P545-bilyong budget an napasiring sana sa 15 kontratista—sarong bagay na inapod niyang “disturbing.”
Nagpahayag man si Marcos nin intensyong papanimbagon an mga imbuelto, kaya nagpuon na man nin hiwalay na imbestigasyon kan parehong kapulungan kan Kongreso. Afuera digdi, binilog na man an Independent Commission for Infrastructure nganing tutukan an isyu.
