LEGAZPI CITY-Naarestar an 3 indibidwal kairiba na an may sadiri kan drug den sa Bacacay Albay sa ikinasang drug buy bust operation sa Bacacay Albay sa pakikipagtabangan sa Philippine Drug Enforcement Agency-Albay asin Bacacay Municipal Police Station.
Segun kay Philippine Drug Enforcement Agency Albay Provincial Director Noe Briguel, sa intrevista kan Bombo Radyo Legazpi, nadakop an mg suspek huli sa naresibing impormayson sa nasabing lugar kun sain igwang sarong harong na pigigibong pabakalan asin gamitan nin iligal na droga.
Hale suboot an impormasyon sa mga opisyal kan barangay kun sain tulos man sindang nagkondusir nin series of surveillance operation ngani mamonitor kun positibo na igwang drug den sa nasbaing lugar.
Sa nasabing operasyon, naarestar an mismong may sadiri kan drug den na bako man residente kan nasabing lugar asin duwa pang persona na naaktuhan na naggamit nin iligal na droga.
Nakumpiskar sa lugar an sachet nin pigtutubudang shabu na igwang pigkakarkulong 9 – 10 gramos na may kantidad na nasa P40, 000 – P60,000 asin iab pang non-drug items.
Nahahampang an mga suspek sa kasong nagbabayolar sa Section 5, 6, 11, 12 asin Section 7 kan Republic Act 9165 o an Comprehensive Dangerous Druigs Act of 2002.
Sinabi man kan otoridad na kaipuhan na maibalik an disiplina asin patanaon kun gurano kapagal asin kasakit an makulong asin masangatan nin mga criminal charges.
