LEGAZPI CITY-Ipighayag kan Philippine Red Cross (PRC) na igwang kabilugang 64 na indibidwal an saindang tinabangan sa nangyaring “Trillion Peso March” rally.
Basado sa saindang datos na sa Maynila, nasa 52 na pasyente an saindang natabangan, kairiba an 44 na nagsairarom sa vital signs monitoring, limang minor cases, asin mga posibleng cardiac arrest.
Duwang indibidwal man an dinara sa medical post kan Philippine Red Cross, mantang wara man nin naisugod sa mga ospital.
Mientrastanto, sa lugar kan EDSA, kun sain nagkaigwa nin rally, an nasa 12 mga pasyente an tinawan nin atensyong medikal, nasa 5 an nasuri an vital signs, asin 7 an mga nagkaigwa nin minor na cases siring kan sprains, abrasion, pagka-libong, asin iba pa.
Wara man suboot nin nairehistrong pangenot na kaso o magin mga hospital transports.
Nakapag-deploy man si PRC Chairman Richard J. Gordon kan 14 mga ambulansya, 3 first aid stations, 4 na foot patrols, 8 scooters, atsin mga 93 na tauhan sa bilog na lokasyon kan nasabing mga rally.
