Nakatalaang iluwas kan Department of Public Works and Highways (DPWH) ang listahan kan mga ghost asin substandard project sa manlaen-laeng parte kan nacion.
Segun ki DPWH Sec. Vince Dizon, ibabale sa listahan an pangaran kan mga contractor kan kada proyekto, pangaran kan lehislador o public official na proponent, asin mga empelyado o opisyal kan DPWH na pumirma sa mga nasabing proyekto.
Segun pa ki Dizon, isasapinal na kan DPWH an listahan asin plano kan ahensya na ilansar ini bago matapos an semana.
Target ining buksan online kun saen pwedesir ma-access kan publiko an kabilogang listahan.
An nasabing lakdang an parte kan kamawotan na buksan sa publiko ang mga public infrastructure project na natukoy na may anomalya.
Maingat suboot na pigsusuri an kada public infrastructure project na ibubugtak sa nasabing listahan nganing masiertong tama an mga impormasyon asin datos na nakabugtak sa project description asin official project report.
Sienerto kan opisyal na an mga iluluwas na impormasyon sa nasabing listahan an dae makakaapektar sa saindang isusunad pang kaso laban sa mga contractor, DPWH employees asin iba pang may kaaraman sa flood control scandal.
Mantang dakol na flood control project na an ibabale sa nasabing listahan sierto na madudugangan pa ini mantang nagpapadagos an mga serye nin inspection.
Gabos suboot ini an iluluwas sa publiko bilang transparency campaign kan ahensya.
 is set to release the list of ghost and substandard projects in various parts of the country.){kind=link}