Nagsunad an aktres na si Gretchen Barretto kan saiyang counter-affidavit sa reklamong isinunad laban saiya asin sa negosyanteng si Atong Ang. Katakod ini sa kaso kan nawawarang mga sabungero.
Personal na nag-atendir si Barretto sa preliminary probe sa Department of Justice kan Huwebes, Setyembre 18.
Inapod kan saiyang abogado an mga akusasyon laban ki Barretto na “unsubstantiated.”
Nagtutubod man an aktres na magigin patas an imbestigasyon.
An reklamo an para sa serious illegal detention asin multiple murder, asin iba pa.
Kaiba sa mga labi 60 respondents an dating hepe kan National Capital Region Police Office na si retired Police General Jonnel Estomo, na personal man na nag-atendir sa hearing.
Mientrastanto, kinatawan si Ang kan saiyang abogado na si Atty. Gabriel Villareal.
