LEGAZPI CITY-Uminangat sa giraray an Women’s Tennis Association (WTA) ranking ni Pinay tennis star Alex Eala.
Sa ipinaluwas na pinakahuring ranking, nasa ika-57 na ngonian si Eala.
Ipinaluwas an ranking bago an gaganapon na WTA 125 Jingshan Tennis Open na mapoon sa Setyembre 22-28.
Magigirumduman na nagaabot sa ranked 56 si Eala matapos na mag-runner up sa WTA 250 Eastbourne Open sa Great Britain kan Hunyo.
Enkaso makuwa ni Pinay Tennis Star an trayumpo, maguguno niya an career high sa ranking.
Nagkapira pang torneo an nakapila para kay Eala pagkatapos kan Jingshan Tennis Open kun sain masabak naman siya sa Suzhou Open poon Setyembre 29 hasta Oktubre 5.
