LEGAZPI CITY – Tinuyaw ni Kabataan Partylist Representative Renee Co an ginibong paghapot saiya ni Vice President Sara Duterte kun magpinsan sinda ni Representative Zaldy Co sa budget hearing kan House Committee on Appropriations sa 2026 proposed budget kan Office of the Vice Preasident (OVP).
Segun saiya sa intrevista kan Bombo Radyo Legazpi na “out of order” an nagin paghapot kan Bise Presidente huli ta an pig-oolayan sa nasabing hearing an manungod sa budget kan OVP.
Alagad maski suboot sala an lugar kan paghapot kan bise an sinimbag niya ini na siya an taga-Malabon mantang taga-Cebu man an saiyang magurang kun kaya masasabi niyang bako niya kamag-anak asin harayo an saiyang bituka ki Rep. Zaldy Co na taga-Bicol.
Suspetya niya man na posibleng piglilihis ni VP Sara an pagtukar sa saiyang budget huli piggigibo ninda an mga paghapot sa mga hearing nganing maaraman kan publiko kun sain napapaduman an pondo na hale sa buwis kan taumbayan.
Pigtaram pa ni Rep. Co na trabaho man sana an saiyang piggibo alagad sa sektor kan jovenes an agrabyado sinda huli ta dae nasisimbagan kan bise an manungod sa kun pano asin sain niya ginamit an mga intelligence funds.
Sa ibong kan mga nangyari an padagos an saiya pagsusunad nin administrative agenda arug kan pagpugo sa political dynasty, pagsyerto kan transparency sa mga budget deliberations asin iba pa.
Punto niya man na bako ini an tamang panahon nganing maghagad nin parliamentary courtesy sa mga budget hearing urog nang pigyuyurak kan korapsyon an pondo kan namamanwaan asin dapat busision an gabos na pundo na mapapaduman sa sarong departamento.
Pighayag man ni Representative Co na siring kan ordinaryong pilipino an apektado man siya sa mga serye kan pagbabaha na kawsa man kan mga kapalpakan kan mga flood control projects kun pig-enganyar niya an publiko na makisumaro sa saindang hiro protesta sa Setyembre 21 nganing kalampagon asin kondenahon an nangyayaring korapsyon sa gobierno.
.){kind=link}