LEGAZPI CITY – Nagsagibo nin hiro protesta an ACT Teachers Partylist, State Universities and Colleges, asin iba pa hale sa sektor kan edukasyon sa hampang kan House of Representatives mantang pigsasagibo an budget deliberation kan Commission on Higher Education.
Segun ki Former ACT Teachers Party-list Representative France Castro sa intrevista kan Bombo Radyo Legazpi na parte kan protesta an saindang pangapodan sa mga kongresista na an naunambitang komisyon an may utang pa sa kadakol na unibersidad manungod sa free education.
Uminabot na suboot sa poco mas o menos 8 Billion an dae nababayadan na tuition mantang kadakol man na mga paratukdo an nangapodan nin promotion makalihis na magin contractual an iba sa sainda.
Kinondena niya man an pagbabawas nin pondo kan mga State Universities and Colleges asin nagmawot na dugangan an pondo siring kan sa basic education maski 6% kan Gross Domestic Product kan Pilipinas.
Pigtaram pa ni Castro na talagang mangangapodan an ibang unibersidad nin dagdag na pondo huli ta sa libreng edukasyon pa sana an mapagal na ini isakatupadan kun hababa an iaalokar na pondo kan gobierno sa masunod na taon.
Pagdoon niya man na napapanahon na dugangan an pondo kan komisyon nganing mapa-otob nin marhay an Universal Tertiary Education For All.
Huli man sa wala-toong korapsyon sa mga flood control projects kan Gobierno, ipighagad ni Castro na ilipat na sana an mga pondo sa mga sektro kan edukasyon nganing dae man ini masayang asin magamit kan talagang nangangaipuhan.
