Warang nahihiling na bayolasyon sa ley kan Philippine National Police (PNP) an nakatalaang pagsulot nin maskara kan mga raliyista sa maabot na mahewasang kilos-protesta sa Setyembre 21, 2025 mapadapit sa nangyayaring kurapsyon sa flood control projects.
Segun ki PNP Spokesperson PBGen. Randulf Tuano, kun pagbabasehan an Batas Pambansa 880 kan taong 1985, solamenteng Batas Pambansa 880 sana an pagdadara nin mga armas, matatarom na bagay asin pag-vandalism.
Nagkapirang mga grupo an nakatalaang magsagibo nin mahewasang kilos protesta sa aldaw na ini sulot an mga maskara bilang pagtalima sa katiwalian asin korapsyon na nangyayari ngunyan sa nacion.
Afuera digdi nagpahayag man nin kahandaan an Pambansang Pulisya para sa ilalatag na seguridad sa mga programang ini partikularmente na sa mga pangyayarihan kan mga raliyista.
Mientrastanto, basado sa datos kan PNP, apat na grupo na an presenteng nakakuwa nin bastanteng permit nganing magsagibo nin mga kilos protesta mantang limang grupo man an nakakuwa na kan saindang mga permit para sa ikakasang rally ngunyan na aldaw, Setyembre 13, sa manlaen-laeng parte kan Metro Manila.
 does not see any violation of the law in its planned massacre of rallyists during the upcoming mass protest action on September 21, 2025 regarding the ongoing corruption in flood control projects.){kind=link}