Ipigsugo ni bagong designar na Department of Public Works and Highways (DPWH) Sec. Vince Dizon na magsunad kan saindang courtesy resignation an gabos nin opisyal kan ahensya.
Si Dizon an nagribay sa pwesto ni dating Secretary Manuel Bonoan na nagbutas sa pwesto.
Sinabi ni Dizon na kaiba sa mga pigpa-resign an mga undersecretaries, assistant secretaries, division heads asin district engineers.
Magpapaotob man nin polisiya na lifetime blacklisting ban sa mga contractor na mapatutunayang imbuelto sa mga substandard projects o hibabang kalidad na proyekto, asin ghost projects.
Segun ki Dizon, dae na maagi sa proseso asin dae na iimbestigaran an mga contractor, pag napatunayan na imbuelto sa mga substandard asin ghost na proyekto, asin isusumiter an report sa itatatag na Independent Commission.
