Gadan an duwang joven makalihis na sinda pagbabadilon sa sarong Catholic School sa Minneapolis.
Nangyari an insidente mantang isinagibo an misa sa Annunciation Catholic School kun saen hinarangan kan suspek na si Robin Westman an duwang pintuan kan eskwelahan asin warang habas na ini nambadil.
Maabot sa 17 katawo na kadaklan mga joven an nairido asin dinara na an mga ini sa ospital.
An mga nagadan na biktima an nasa edad 6 asin 8-anyos.
Nadukayan kan mga otoridad sa bisinidad kan eskwelahan an wara nang buhay na suspek.
Huli sa insidente sinugo ni US President Donald Trump na ibugtak sa half-staff an bandera kan America na nakabugtak sa mga opisina kan gobyerno sagkod sa aldaw nin Dominggo.
