LEGAZPI CITY-Maabot sa apat na contractors an iniimbestigaran ngonian kan Commission on Elections (COMELEC) na nagtao nin kontribusyon sa nagkapirang mga senador kan nakalihis na 2022 elections.
Segun kay COMELEC chairman George Erwin Garcia, na pig-aaram pa ninda kun an mga contratctors na ini, an igwang kontratang nakuwa hale sa gobierno.
Pigbubusisi man ninda kung an mga public work contractor an imbuelto digdi.
Kadaklan suboot sa mga contractor an negosyante kaya pirmihang piglalaag ninda an sa kontrata an ‘businessman’ kung sain dai tulos maaaraman an mga negosyo kaini.
Maabot man sa 42,000 na mga Statemen of Contributions and Expenditures an pig-aadalan sa presente kan Political Finance and Affairs Department kan COMELEC na isinumiter ngonian na taon sa nasyunal asin lokal na mga kandidato.
Magigirumduman na ipigbuyagyag sa senado an nagkapirang contractors kan mga flood control projects na nagtao suboot nin donasyon bilang kampanya kan nagkapirang pulitiko.
