Inanunsyar ni Ukrainian President Volodymyr Zelensky na mapasiring siya sa White House nganing makipaghilingan ki US President Donald Trump sa aldaw nin Lunes, Agosto 18.
Ini nganing idiskotir an pagtatapos kan giyera sa Ukraine.
An nakatalaang pagbisita ni Zelensky sa White House an kasunod kan summit o one-on-one meeting sa pagultangan ninda Trump asin Russian President Vladimir Putin sa Anchorage, Alaska kan Biyernes, local time.
Mantang nagpalyar si Trump na makapag-secure nin kasunduan ki Putin mapadapit sa giyera sa Ukraine, nagdesisyon suboot sindang itrabaho an pagkakaigwa nin peace agreement nganing dagos nang matapos an giyera sa pagultangan kan Russia asin Ukraine asin bako sana ceasefire.
Magigiromdomang nagin kontrobersiyal huring pagmimiting ninda Zelensky asin Trump sa Oval Office kan White House sa Washington DC kan Pebrero 28, 2025 makalihis mauli sa debate an bilateral meeting kan duwa na nagresulta sa pagkanselar kan nakatalaan kutang pagpirma kan rare earth mineral agreement asin ineskortan si Zelensky paluwas kan White House.
