LEGAZPI CITY – Aprubado kan mga konsehal kan ciudad kan Legazpi an nagin pahayag ni Councilor Atty. Rex Rañeses manungod sa Kadiwa ng Pangulo Ordinance na ipigbubusol man ni Councilor Ismael Buban IV.
Segun ki Atty. Rañeses sa saiyang privilege speech sa Sangguniang Panlalawigan Session na pigsaladawan niya an ordinansa na “more than enough” an nasabing ordinansa na may obhetong maasigurar na may bastante, barato asin mabaskog na pagkaon para sa gabos asin magkakaigwa ini nin magayon na epekto sa lokal na ekonomiya.
Sa paagi man suboot kan nasabing ordinansa an maray na koordinasyon kan Gobierno Lokal asin mga paraooma asin asin parasisira mantang magkakaigwa sinda nin tyansa na ilatag an saindang produkto asin makakapagpabakal nin direkta sa mga consumer.
Sa irarom man kan propwesto, magkakaigwa nin paglatag an mga lokal na paraoma asin parasisira kan saindang mga produkto sa people’s park sa Barangay Puro tuyong ikaduwang weekend kan bulan mantang primero asin pantulong lunes man kan bulan sa City Hall Compund.
Pigtaram pa kan opisyal na dapat i-regulate kan LGU an mga ibubugtak na presyo kan mga ititiendang produkto nganing dae man kaini mahalangkawan an presyo kan mga nasa merkado.
Mientrastanto, pasado na sa ikaduwa asin ikatulong pagbasa asin presenteng naghahalat sa final hearing antes opisyal na maipa-otob sa ciudad.
Kukuwaon man an pondo sa pag-implementar kan programa sa annual budget kan City Agriculture’s office.
