Padagos na naglalaom si Senador Ping Lacson na irerespeto kan mga senador an magiging final ruling kan Korte Suprema katakod kan motion for reconsideration kan Kamara mapadapit sa impeachment complaint laban ki Vice President Sara Duterte.
Ipigpunto ni Lacson na kadaklan sa saiyang mga kaiba na nagboto pabor sa pag-archive kan impeachment complaint an mismong nagsabing dapat respetuhon an desisyon kan Korte Suprema.
Paliwanag niya, ini an rason kun nata siya nag-abstain sa botohan—huli an saiyang paninindugan an irespeto asin dae ipagbayolar an July 25 ruling kan Korte Suprema.
Habo man niyang ma-preempt an magigin pinal na desisyon urog na may nakabinbing motion for reconsideration.
Dugang pa kan Senador, kun nagboto siya posibleng ma-preempt an final ruling kan Kataas-taasang Hukuman.
Nagsugo pa suboot an Korte Suprema sa kampo ni Duterte na magkomento sa motion for reconsideration, imbes na magluwas tulos nin minute resolution na nagbabasura digdi.
Pagdoon ni Lacson, mas maray kun dae muna nag-akto an Senado sa enot na ruling kan Korte Suprema, maski ini immediately executory, urog na may nakabinbing motion for reconsideration.
Sa ngunyan, pwedesir sabihong “gadan” na an impeachment complaint, alagad pwedesir man giraray ining buhayon huli pwedesir pa ining iluwas gikan sa archives—bagay na makawsa nin panibagong debate asin botohan.
