LEGAZPI CITY-Kinumpirma kan Philippine National Police Academy (PNPA) na nasa kustodiya na kan mga otoridad an opisyal hale sa eskwelahan matapos na makatanggap nin sexual harassment complaint hale sa sarong kadete.
Segun sa eskwelahan, nasangatan na nin mga kasong kriminal an pulis asin sarong kasong administratibo man an isangat kan PNPA laban sa nasambitang personnel.
Pigsierto man kan academy na sa presente nagpapaabot sinda nin psychological support sa nagin biktima kan panlulugos kung sain nagapela man an eskwelahan na respetuhin asin protektaran an privacy kan biktima.
Pigsierto man kan PNPA na padagos sindang magsagibo nin mga bastanteng lakbang ngani mapahigot pa an saindang mga internal mechanisms asin kinokondenar an mga siring kaining isyu.
