Ipinasakamot na kan mga pulis sa Las Piñas sa City Social Welfare and Development an sarong daraga na nahiling sa social media na may kapot na kutsilyo mantang naglilimos sa Alabang-Zapote Road asin Diego Cera Avenue.
Segun kay PCol. Sandro Jay Tafalla, hepe kan pulisya kan Las Piñas, saindang narescue an aki asin itinao sa CSWD.
Nagkoordinar man an Department of Social Welfare and Development (DSWD) sa lokal na gobyerno.
Sigon ki DSWD Secretary Rex Gatchalian, drug dependent suboot an ina kan aki, kun kaya dae na kaini kayang atamanon an saiyang aki.
An aki maagi nguna sa mahiwas na eksaminasyon kan mga social workers kan lokal na gobyerno bago ibalyo sa residencia kan DSWD.
Mientrastanto, ipapaotob an curfew asin dadagdagan an presensya kan pulis sa nasabing lugar.
