Liwat na napili bilang Senate President si Senator Francis “Chiz” Escudero makalihis na makakua nin 19 boto, kontra sa 5 boto para ki Senador Vicente “Tito” Sotto III.
Nangyari an botohan sa pagbubukas kan enot na regular na sesyon kan 20th Congress kasubagong aga nin Lunes, Hulyo 28, 2025.
Base sa eksistidong polisiya kan Senado, an napierdeng kandidato sa eleksyon bilang Senate Presidente iyo an automatic na magigin minority leader.
Kabale digdi an mga senador na nagboto saiya bilang bagong minoriya.
Mientrastanto, an mga nagboto ki Escudero iyo an bagong mayoriya.
An eleksyon ginibo bago pa man an State of the Nation Address (SONA) ni Presidente Ferdinand Marcos Jr.
Pagkatapos kan pagpili kan lider kan Senado, sinundan ini kan pagbilog nin mga komite asin pag-orolay kan mga bill para sa bagong sesyon kan Kongreso.
