Mawot ipareskedyul ni Acting Davao City Mayor Sebastian “Baste” Duterte an nakatalaang charity boxing match ninda ni Philippine National Police Chief Gen. Nicolas Torre III na mangyayari kuta ngunyan na Domingo, Hulyo 27.
Ini makalihis niyang sabihon sa sarong video na may iba siyang piggigibo kada Domingo.
Siring man, sinabi ni Duterte na abelable siya kada Martes asin Miyerkules, o sa ibang aldaw—basta bako Domingo.
Sinabi kaini na mas maray man ini para ki Gen. Torre nganing magkaigwa pa ini nin dugang na panahon nganing mag-practice.
Nagtao man nin abiso si Duterte ki Torre na pagayunon an saiyang training, huli ta gari suboot sablay an mga suntok kaini asin kaipuhan man na pagtawan pansin an pagdepensa sa saiyang pandok.
