Naglupad pasiring sa Singapore si Davao City acting Mayor Baste Duterte pirang aldaw bago an nakatalaang charity boxing match kuta ninda ni PNP chief Gen. Nicolas Torre III.
Basado sa impormasyon kan National Bureau of Investigation (NBI) na naghali gikan sa Davao International Airport an bise alkalde asin nagpasiring sa Singapore kan Biyernes na aga.
An nasabing pahayag man an kinumpirma kan Bureau of Immigration (BI).
Magigiromdomang nagtugot an PNP chief sa nagin agyat ni Duterte na suntukan kun saen minabuti ni Torre na gibohong charity boxing na sana ini nganing an magugunong ganansya an ibabarewas sa mga nasalanta kan bagyo asin habagat.
