LEGAZPI CITY-Naglipat na sa social media asin messaging apps an mga scammer sa Pilipinas, segun sa sarong anti-fraud app.
Basado sa saindang report, na sa 2nd quarter kan 2025,nagtaas nin 28% an mga nairehistrong igwang kahina-hinalang link, hale sa 13,602 kan 1st quarter, nasa 18,735 na an nabibiktima.
Kadaklan sa mga ini, pigkakalat sa mga social media apps kung sain pinapadara an mga link pasiring sa mapaminsalang websites.
Sumipa na sa 76% an mga scam na igwang koneksiyon sa online gambling, mantang 57% an itinaas kan mga scam na nageenganyar nin rewards asin promos.
Naghalangkaw man nin 20% an mga link mapadapit sa mga pekeng pautang.
Segun sa sarong developer, an paghalangkaw kan mga social media scams, epekto kan pagbawas sa text asin call based scams.
Nagpatanid man an Cybercrime Investigation and Coordinating Center (CICC), na dakulang angat ini sa mga panloloko sa mga apps na pirmihang pigagamit kan mga Pilipino.
