LEGAZPI CITY-Nagpatanid an composer kan mga kanta kan 8 division world boxing champion ni Manny Pacquiao sa mga Pilipinong sai nagsusuporta sa boksingero.
Segun kay Lito Camo, nakakamundo na igwang mga kapwa Pinoy na dai kayang magpahiling nin diit na moral support kay Pacman.
An mas nakakadismaya pa suboot igwang iba na mas piniili pang sumuporta sa kalaban, mantang igwa man na nagbabatikos pa kay Pacman.
Nagtutubod si Lito na sa huri karangalan kan mga Pilipino man giraray an bitbit ni Pacman sa kada trayumpo sa ring.
Nasa Las Vegas na si Lito bilang miyembro kan Team Pacquiao na siyang composer kan mga kanta ni Pacman na kairiba na an “Lalaban Ako Para sa Pilipino”, “Para Sa’yo Ang Laban Na ‘To”, asin an “Laban Nating Lahat Ito”.
