LEGAZPI CITY-Pigpapaotob an liquor ban sa probinsya kan Isabela bilang pag-iingat asin preparasyon sa posibleng epekto kan Tropical Storm Crising.
Sa irarom kan ordinansa 2020-13-1 na presenteng epektibo sa provincia, mahigot na ipinagbabawal an pagpabakal, pagbakal, asin pag-inom nin arak sa panahon nin bagyo o anuman na kalamidad.
Enkaso na madakop an mga residente na nagbabayolar kan ordinansa, an mga dae nagsusunod sa patakaran na ini mamultahan nin P4,000 mantang an madadakop na nag-iinom nin arak, P2,000 an multa.
Mientrastanto, katakod kaini nag-implementar man an provincia nin polisiya na “no swimming” asin “no fishing” huli sa maraot na kamugtakan kan panahon dara kan Tropical Storm Crising.
