Pirmehang bukas an opisina ni Presidente Ferdinand Marcos Jr. sa gabos na makabuluhang suhestyon asin mga rekomendasyon na mapauswag an buhay kan mga Pilipino.
Pahayag ini ni Palace Press Officer Usec Claire Castro, kasunod kan sinabi kan Office of the Vice President (OVP) na dae suboot sinusuportaran kan gobierno an pondo kan saiyang opisina para sa mga proyekto asin programa kan OVP.
Sa press briefing sa Malacañang, sinabi ni Castro na welcome asin dae sasayumahan maski nuarin kan administrasyon an mga magagayon na suhestyon gikan sa OVP.
Preparado suboot na magdangog si Presidente Marcos sa mga ini.
Sabi kan opisyal na igwang pagkakataon kaito na naghayag si VP Sara na aram niya an formula ngani maipababa an presyo kan bagas sa Pilipinas, alagad nagsayuma ining iheras sa gobierno, huli ta segun ki VP Sara habo niyang tabangan an administrasyon.
Boot sabihon, bako suboot sa gobierno asin bako man ki Presidente Marcos hale an mga sinasabing pangha-harang sa mga mawot niyang gibuhon sa namamanwaan.
