Gadan an sarong ina asin an aki kaini makalihis na mabangga kan ambulansya an piglulunadan nindang tricycle sa Labo, Camarines Norte.
Basado sa imbestigasyon kan Labo Municipal Police Station, pasiring kuta na sa Camarines Norte Provincial Hospital sa Daet an ambulansya nganing kuwaon an sarong pasyente kan mangyari an insidente.
An ama kan pamilya iyo an nagmamaneho kan tricycle, asin pauli na kuta sinda hale sa eskwelahan kan mangyari an banggaan.
Huli sa kusog kan pagkabunggo, tuminalyap an tricycle.
Tulos man na nagresponde an mga otoridad asin dinara sa ospital an mag-ina alagad idineklarang dead on arrival an mga ini.
Mientrastanto, kritikal na an kamugtakan kan padre de pamilya na pigbubulong ngonian.
Wara man nin nairido sa mga pasahero kan ambulansya.
