Uminatras na suboot an beteranong abogado na si Lorna Kapunan bilang legal counsel para sa bilyonaryong gaming tycoon na si Charlie “Atong” Ang, sarong semana makalihis na magsunad ini nin reklamo laban sa sarong whistleblower na nagkokonektar ki Ang sa pagkawara asin soboot paggadan sa labing 30 sabungero.
Segun sa source, pinili ni Kapunan na bayaan an kaso ngani na magtutok sa saiyang papel bilang volunteer private prosecutor sa maabot na impeachment trial ki Bise Presidente Sara Duterte.
Alagad, an mga House leaders man an napapabareta na pig-iisip na suboot an posibilidad na haleon siya sa panel kan prosekusyon huli sa “bad optics” na dara kan isyu.
Sa presente, wara pang opisyal na kumpirmasyon hale ki Atty. Kapunan mantang nagdadangadang na an tentative schedule para sa pagpoon kan trial na itinalaan ni Senate President Francis Escudero sa Hulyo 29.
An kaso ni Ang aasikasohon na ngonyan kan Rondain asin Mendiola Law Office.
