Ipigdoon kan Department of Justice (DOJ) na bako personality driven’ o maski direkta sa sarong partikular na grupo o indibidwal an piggigibo nindang imbestigasyon mapadapit sa kaso kan mga nawawarang sabungero.
Tinawan-duon ni Justice Undersecretary Raul Vasquez na wara sindang pigtutumbok na personalidad sa saindang pigkukundusir asin nagpapadagos na imbestigasyon.
Segun saiya na kun ano man an magin kaluwasan kan imbestigasyon an saro sanang nangangahulugang na an pigtutukdo kan mga ebidensya asin pangenot na may kinaaraman sa nasabing kaso.
Sinabi ni Vasquez na nagpapadagos an mga otoridad sa pagtipon nin mga ebidensyang may kinaaraman sa kaso kan mga nawawarang sabungero.
Obheto kaini na mas pakusugon pa an saindang mga kaso na pwedesir isunad sa korte laban sa mga personalidad na iyo an mabibisto na nasa likod kaini.
Mientrastanto, naenot naman digdi an pigsugo ni Presidente Ferdinand Marcos Jr. na magkundusir nin hararom na imbestigasyon sa kaso ngaing masierto na mapapanimbag sa ley an nasa likod kan krimen.
