LEGAZPI CITY-Pigsierto kan Land Transportation Office (LTO) an pagpapadagos kan saindang operasyon laban sa mga pampublikong sasakyan na nagbabayolar sa Anti-Overloading Policy, kasunod kan regulasyon ni Department of Transportation (DOTr) Secretary Vince Dizon katakod kan kampanyang “Anti-Sardinas” na obhetong sugpoon an sobrang siksikan sa mga pampublikong transportasyon.
Segun kay LTO Executive Director Atty. Greg Pua, prayoridad kan saindang operasyon an mga pangenot na kalsadang pigdadagsa kan mga pasahero siring kan Commonwealth Avenue, Marcos Highway, asin España Boulevard.
Makusog man suboot an mga special enforcement teams na matutok sa mga target na operasyon laban sa mga pampasaherong jeep asin bus na nagbabayolar sa regulasyon.
Nagpagirumdom man si Pua sa mga drayber na limitahan an numero kan pasahero ngani masierto an kaligtasan kan gabos.
Pigtawan doon niya man na afuera sa multa, igwang katakod na demerit points an pagbayolar na pwedisir magresulta sa pagkakasuspende kan lisensya.
Pagirumdom man kan LTO sa mga pasahero na ibitaran an pagsakay sa mga sobrang pano na sasakyan para sa saindang pansadiring kaligtasan.
