LEGAZPI CITY-Naarestar an 7 katawo sa Barangay Catorse sa ciudad kan Legazpi huli sa iligal na droga sa ikinasang buy bust operation kan Philippine Drug Enforcement Authority Bicol
Segun kay PDEA Albay Provincial director Noel Briguela, sa sa intrevista kan Bombo Radyo legazpi, nagkapira sa mga ini mga estudyante, mga empleyado asin out of school youth.
Sa isinagibong operasyon, naaktuhan an 4 na lalaki asin 3 babae sa sarong drug den na harani sa sarong catholic school asin nakumpiskar an pigeestimar na P40,000 hasta P60,000 nin iligal na droga.
Mahahampang an mga suspek sa patong-patong na kaso siring kan pagbayolar sa Article 2 to 15 kan Republic Act No. 9165.
Nakua man kan mga otoridad an impormasyon mapadapit sa lokasyon huli sa kooperasyon kan kumunidad asin mga barangay councils.
Nagtutubod man an mga otoridad na igwa suboot na mga parokyano an mga suspek sa nasambitang lokasyon.
Pakihuron man kan opisyal na apprubitsaran na kan mga ini an rehabilitasyon na programa sa mga lokal na pamahalaan mapadapit sa iligal na paggamit nin droga.
