The Bureau of Fisheries and Aquatic Resources (BFAR) has assured the public that tawilis, a species of fish found in Taal Lake, is safe to eat, despite allegations that the bodies of the missing sabungero were dumped in the lake in 2021.

Pigsyerto kan Bureau of Fisheries and Aquatic Resources (BFAR) sa publiko na ligtas kaunon an tawilis, sarong klase nin sirang madudukayan sa Lawa kan Taal, sa ibong kan mga alegasyong itinapok sa lawa an mga bangkay kan mga nawawarang sabungero kan 2021.


Nilinaw kan BFAR na an tawilis an sarong sadit na pelagic na sira na nagkakaon nin plankton, partikular kan mga halamang-dagat, asin dae ini nagkakaon nin karne.


Segun kay BFAR chief information officer Nazzer Briguera, warang dapat ipagkahandal huli ta dae nagkakaon nin hayop o bangkay kan tawo an tawilis.


Ipinaluwas an nasabing pahayag kasunod kan report kan pagbaba kan benta kan mga lokal na nagtitinda nin sira, kawsa kan kahandalang baka nakaon kan mga sira sa Lawa kan Taal an mga bangkay kan tawo.


Nilinaw man kan mga tindero na an mga sirang ipigpapabakal sa mga merkado an hale sa mga siraan kan mga lokal na parasisira asin bako direktang nadakop sa lawa.


Nagpoon an kontrobersiya makalihis an pahayag ni “Totoy,” saro sa mga akusado sa pagdukot sa 34 na sabungero, na itinapok suboot sa Lawa kan Taal an mga bangkay kan mga biktima makalihis madakop na nandaaya sinda sa sabungan.